Lost Password? Register
  • Narrow screen resolution
  • Wide screen resolution
  • Auto width resolution
  • Increase font size
  • Decrease font size
  • Default font size
  • default color
  • red color
  • green color
.
St. Agnes Lodge, Thomas Street, Bristol. BS2 9LJ  Tel: 0117 941 3400 Mob: 07769970314 E-Mail info@thesomalivoice.co.uk
home

Cudurka HIV/AIDS PDF Print E-mail
Written by Kaisi   
Sunday, 02 December 2007

ImageCudurka HIV/AIDS oo weli khatar weyn ku haya dunida siiba Afrika Waxaa maanta dunida dacaleeda laga xusayaa maalinta Aids-ka ee adduunka oo ku beegan 1da Diisember. 

Ujeedada maalintan ayaa ah sidii indhaha dadyawga adduunka loogu soo jeedin lahaa khatarta iyo dhibaatada uu cudurkani ku hayo guud haanba dunida Waxaa kaloo maalintan loo adeegsadaa sidii dhaqaale loogu heli lahaa barnaamijyada iyo ololaha lagaga hor tagayo cudurkan khatarta ah. Haddaba sida ku cad warbixin ay dhawaan soo saartay hay'adda ummaddaha midoobay u qaabilsan cudurka Aidska (UNAIDS), waxaa lagu qiyaasay in maanta ay dunida ku nool yihiin dad tiradoodu cagacagaynayso 33.2 milyan oo qaba cuduraka HIV/AIDS.

Kuwaasoo ay ku jiraan 2.3 milyan oo caruur ah.Sannakan  2007 oo keliya waxa uu cudurka AIDS asiibay dad ka badan 2.5 milyan iyada oo la sheegayo in in 95% ay ku noolyihiin wadamada soo koraya. Illaa iyo intii laga ogaaday cudurkani waxaa uu noloshooda galaaftay dad lagu qiyaasay ilaa 22 milyan, halka sannadkan aynu ku jirno oo keliya ay uga geeriyoodeen 2.7 milyan.

Wadamada uu khatarta weyn ku hayo cudurkani waxaa ka mid ah kuwa ku yaala qaaradda Afrika oo ay ku jiraan wadamada adduunka ugu saboolsani. 1.7 milyan oo ruux oo u dhashay wadamada Afrika ee kulaala saxaaraha ayaa la sheegayaa in ay cudurkan qaadeen sannadkan aynu ku jirno ee 2007. Dhinaca galbeedka Afrika inkastoo aad mooddo in xaaladdu ka yara sahlan tahay haddana wadamada ay tirada dadkoodu badan tahay waxa uu cudurkani ku hayaa halis aad u weyn.

Tusaale ahaan wadanka Nayjeeriya oo ah midka ugu dadka badan qaaradda Afrika dadka waaweyn 4% ayaa qaba cudurkan. Wadanka Koonfur Afrika oo ka mid ah wadamada uu sida aadka ah u saameeyay cudurka HIV/AIDS ayaa dadaal weyn ugu jira sidii ay wax uga qaban lahaayeen dhibaatada cudurkani ku hayo wadankaas. Dad tiradooda lagu qiyaasay ila 5.5 milyan oo qof oo reer K/Afrika ah ayaa la sheegayaa in ay cudurkan qabaan.

Olololaha la dagaalanka cudurkan ee K/Afrika  ayaa waxaa hormood u ah Madaxweynihii hore wadankaas Mr Nelson Mandela. Bandhig faneed lagu xusayay maalintan oo ay ka soo qayb galeen fannanin dunida caan ka oo lagu qabtay magaalda  ayaa waxaa kala qaybgalay mr Mandela. Xafladdan oo ay soo qaban qaabiyeen ururka loo yaqaan 466664 oo iyaga loogu magac daray lambarkii maxbuusnimada Mandela ee xiligii uu jiray xabsiga jasiirada Robin ayaa waxaa isugu yimid dad gaadhaya ilaa 50,000 oo qof.

Wadanka Soomaaliya oo aan isagu lahayn dawlad dhexe 17kii sanno ee u dambeysay ayay adagtahay si loo ogaado tirada dhabta ah ee qabta cudurka HIV/AIDS. Guud ahaanba cudurkan oo siyaabaha uu ku faafo ay u badantahay anshax xumada iyo galmada xaaraanta ah ayaa sababaysa in Soomaalida cudurkan qabtaa ay qarsadaan.

Wadamada Soomaaliya ay ood wadaagta yihiin ee Itoobiya iyo Kenya oo uu cudurkani farabaas ku hayo dadkooda ayaanay shaki lahayn in Soomaaliya ay saamayn weyn ku yeelanayaan maadaama ay Soomaalidu labadaas wadan aad ugu safraan, kuwo badana ayba deganyihiin.

Dadka Soomaaliyeed ee ku dhiiraday in ay shaaca ka qaadaan cudurka HIV/AIDS ee asiibay waa kuwo fara ku tiris ah.
Amina Hussein Aden
The late Amina Hussein Aden captured in a photo in mid-2003 in Northwest Somalia. Amina who died later in 2003 was one of the first people in Somalia to declare her HIV-positive status, a courageous step she took with her late husband. Unicef Photo
Aamina Xuseen Aadan Alle ha u naxariistee waxa ay ka mid tahay Soomaalida ugu horeysay ee shaaciyay in ay cudurkan qabaan.

Xilligii uu socday shirkii dib u heshiisiinta Soomaalida ee lagu qabtay wadanka Kenya ayay Soo baxeen warar sheegaya in xubno ka mid ah ergada shirkaas ka qayb galaysay oo baadhitaan lagu sameeyay lagu ogaaday in ay qabaan cudurkan halista ah inkastoo aan shaaca laga qaadin magacyadooda.

Si kastaba ha ahaatee waxaan shaki lahayn in cudurkani halis weyn ku hayo guud ahaanba dadyawga dunida iyadoon illaa haddana lahayn dawadii lagula tacaali lahaa cudurkan.

Aqoonyahanada caafimaadka ayaa aaminsan sida ugu habboon ee aad cudurkan uga badbaadi kartaa amarka Eebbe ka sokow inaad ahaato qof dhawrsoon oo aad uga dheeraada fusuqa, kuna koobnaada afadiisa am seygeeda. Taasina waa midda ay inna farayso diinteena muqadaska ah ee Islaamku.
Ismail A. Hassan (khaliil)
WardheerNews, London, U.K.
Last Updated ( Tuesday, 17 November 2009 )
 
Next >
[ Back ]

Headline
  • Pause
  • Previous
  • Next
1/10
Who Are the Real Pirates in Somalia?

by Dr. Alexander Mezyaev, Head of Chair of the International Law, Governance Academy (Kazan'), Strategic Culture Foundation expert, was published in International Affairs magazine.

Read more...
 
The Somali Voice
Image Somali Newspaper offices Attacked A firebomb attack has caused extensive damage to the offices of The Somali Voice...
Cudurka HIV/AIDS oo weli khatar weyn ku haya dunid
Image Cudurka HIV/AIDS Cudurka HIV/AIDS oo weli khatar weyn ku haya dunida siiba Afrika Waxaa maanta du...
 
Everyone within Bristol
Image Everyone within Bristol has the same goal, which is to feel safe and be safe. I wrote an article in September to thank the Somali Community for their ongoing ...
 
Advertisement